قصاصات..60

 .

Tuesday at 12:41 · 

لما البنت تجرب تعمل أكلة وتطلع ملهاش اي ملامح ومامتها أو خطيبها يسألوها ها ايه الأخبااار ؟؟

 :

she feels like

تكويني النفسي والوجداني والعوامل البيئية المحيطة كلها تؤثر تاثير عقلاني وعاطفي على نتيجة العمل الفني المنتظر 

...............

 

Tuesday

عارف إزاي تتأكد انك بتحبها ؟

...

- لما تحب تتابع كل اللي بتعمله حتى لو مش عاجبك

- لما تستنى طبخة حلوة من ايديها وتطلع بايظة ومحروقة ..بس تحس انك مبسوط وعايز تاكلها كلها

- لما تبقى معجب بيها وهي صاحية من النوم منكوشة وشبه الساحرة الشريرة

- لما تجيبلها بوكيه ورد عشان تفرحها من غير مناسبة

- لما تعجبك وهي زعلانة زي ما بتعجبك وهي مبسوطة 

- لما تفكر فيها وتتخيل شكلها بعد ثلاثين سنة وهي عجوزة ومكرمشة وتحس انك مش هتقدر برضه تفكر في غيرها 

- لما تلاقي نفسك بتشيرلها البوست ده طبعا :)

...................................

 · Tuesday 

البنت لما بتحب حد قوي وتحس أنه اتخلى عنها..بتفضل فترة ظاهرها للي حواليها أنها بتنكر الحقيقة دي

لكن الواقع انها بتبقى عارفة انها لازم تفضل زعلانة عشان الحزن ده بيديه جوا قلبها فرصة للتراجع..باب هيقدر يدخل منه تاني

بس لما الوقت يطول..والحبيب يتمادى في الهجر..قلبها بيقرر يتخطاه
وساعتها عمره ما بيقدر يسامحه بعد كدة..ولا هو هيلاقي أي باب يدخل منه في يوم من الأيام.. 

..................................

بيستفزني جدااا..لما أكون ماشية في الشارع بالنهار أو بشتري حاجة من محل والاقي بنت بتبيع او حتى ماشية وحاطة اوووووفر ميك أب..
ملونة وشها ابيض وراسمها عينها بالايلانر او الكحل الثقيل وراسمة حواجبها شبه التاتو..وشكلها غريب لدرجة تخليك مش قادر تحدد ملامحها او بشرتها..
ببقى نفسي اقولها مش لااازم..

مش لازم تبقى شبه الاراجوز على فكرة عشان تبقى جميلة..هتبقى حلوة والله وانتي حاطة ميك أب هادي أو حتى من غير خالص.

ومش لازم تخرجي الصبح كانك رايحة سواريه بليل..ومش لازم تخلي شكل ملامحك غريب عشان الموضة في لبنان كدة..تركيا فهمت لعبة الاجانب صح وان الجمال في الملامح الاساسية اهم حاجة..وان الوش يفضل محتفظ بكونه وش طبيعي ..مش شبه البلاستيك..

ومش لازم خاالص بقى ..تتعبي نفسك عشان تعجبي الناس..اللي عاجبه شكلك الطبيعي يا مرحب ..واللي ميعجبهوش..مع الف سلامة ناحية اقرب باب !

...........................

كل اللي بيحصل من نظام مرسي دلوقتي بيفكرني بالنظام القديم وبيخليني عايزة اغنيله قصيدة نزار قباني ..
اغضب كما تشاااااااء..
واجرح أحاسيسي كما تشاااااااء..
حطم أواني الزهر والمرايا..
فكل ما تفعله ..سواااااء
وكل ما تقوله ..سواااااااااء..

سنعيد الكرة يوما و ارجو الا تكون النتيجة..سواااااااااء
..